Rus İqtisad Məktəbinin direktoru i.e.n., dosent Bərxudarov Mənsur İsa oğlu
e-mail: [email protected]
1961-ci il iyulun 23-də Yevlax rayonu Aşağı Qarxun kəndində anadan olmuşdur.
1968-1978-ci illərdə Yevlax rayonu Aşağı Qarxun kəndinin 8 illik məktəbində, sonra Yevlax r-nu 1 №-li orta məktəbdə təhsil almışdır.
1982-ci ildə T.Şevçenko ad. Kiyev Dövlət Universitetinə daxil olmuşdur. 1987-ci ildə həmin universiteti bitirmişdir.
1987-1990-cı illərdə Azərbaycan Dövlət Xarici Dillər Universitetinin «Siyasi iqtisad» kafedrasının baş laborantı olmuşdur.
1990-1992-ci illərdə Bakı Dövlət Universitetinin aspirantı olmuşdur.
1992-2014-cü illərdə İqtisad Universitetinin “Beynəlxalq iqtisadi münasibətlər” kafedrasında baş müəllim, dosent işləmişdir.
2003-cü ildə namizəlik dissertasiya işini müdafiə edərək iqtisad elmləri namizədi alimlik dərəcəsinə layiq görülmüşdür.
2014-cü ilin aprelindən 2016-cı ilin iyuluna kimi Azərbaycan Dövlət İqtisad Universitetinin BİM fakültəsinin dekanı olmuşdur.
2016-cı ildən UNEC-in Rus dilində Tədris Mərkəzinin direktorudur. 2017-ci ildən “İqtisadiyyat” (rus dilində) kafedrasının professorudur.
Rusiya, Ukrayna, Almaniya, Yunanıstan, Türkiyə, İran, Gürcüstan, Qazaxstan, Özbəkistan, Qırğızıstan və digər ölkələrdə keçirilmiş onlarla beynəlxalq forum və beynəlxalq konfransların iştirakçısı olub. Qloballaşma şəraitində Cənubi Qafqaz və Mərkəzi Asiya ölkələrinin xarici iqtisadi inkişaf problemləri onun əsas elmi- təqiqat mövzusudur. Azərbaycanda kütləvi informasiya vasitələrində mütəmadi olaraq ekspert kimi çıxış edir.
Hazırda «Qloballaşma şəraitində Cənubi Qafqaz və Mərkəzi Asiya ölkələrinin xarici iqtisadi əməkdaşlıq problemləri» mövzusunda doktorluq dissertasiyası üzərində çalışır.
Evlidir, üç övladı var.
